ఏపీలో మండిపోతున్న ఎండలు.. నెల్లూరులో 40.4 డిగ్రీల ఉష్ణోగ్రత నమోదు!

ఆంధ్రప్రదేశ్ రాష్ట్రంలో ఎండలు దంచికొడుతున్నాయి.

రాష్ట్రవ్యాప్తంగా సాధారణం కంటే 3 నుంచి 6 డిగ్రీల మేర అధిక ఉష్ణోగ్రతలు నమోదైనట్లు వాతావరణ శాఖ తెలిపింది.

ముఖ్యంగా నెల్లూరులో అత్యధికంగా 40.4 డిగ్రీల ఉష్ణోగ్రత రికార్డయింది.

ఇప్పటికే సరైన వర్షాలు లేక ఎండుతున్న పంటలకు, ఈ తీవ్రమైన ఎండలు మరింత నష్టాన్ని కలిగిస్తాయని అధికారులు ఆందోళన వ్యక్తం చేస్తున్నారు.

కాగా, ఈరోజు కూడా కోస్తాంధ్ర, రాయలసీమ ప్రాంతాల్లో ఎండ తీవ్రత అధికంగానే ఉంటుందని, అయితే అక్కడక్కడ చెదురుమదురు వర్షాలు కురిసే అవకాశం ఉందని వాతావరణ శాఖ అధికారులు పేర్కొన్నారు.

ప్రజలు అప్రమత్తంగా ఉండాలని సూచిస్తున్నారు.